მამოპლასტიკა – მკერდის პლასტიკური მოცულობის და ფორმა კორექცია ბათუმში

ლამაზი მკერდი ყველა ქალის ოცნებაა და ეს ოცნება დღეს უკვე რეალობადაა ქცეული მამოპლასტიკის მეშვეობით. მამოპლასტიკას უწოდებენ მთელ რიგ პლასტიკურ ოპერაციებს სარძევე ჯირკვლებზე.

ამ ოპერაციების მეშვეობით შესაძლებელია :

• მკერდის გადიდება (აუგმენტაცია),
• მკერდის აწევა (მასტოპექსია),
• დაპატარავება (რედუქცია) და ფორმის შეცვლა.

ოპერაციის მიზეზი შეიძლება იყოს პაციენტის საკუთარი მკერდის ზომით უკმაყოფილება, მკერდის ასაკობრივი დეფორმაცია, მშობიარობის და ძუძუთი კვების შემდეგ ცვლილებები, ასევე მკერდის ასიმეტრია (სხვადასხვა ზომის მკერდი), მკერდზე ადრე ჩატარებული ოპერაციების შემდგომი დეფექტები.

მკერდის აუგმენტაცია

მკერდის აუგმენტაცია – ზომის გადიდება ხდება სილიკონის იმპლანტის მეშვეობით. იმპლანტების შერჩევა ხდება ქირურგის მიერ პაციენტთან შეთანხმებით: მრგვალი ან ანატომიური, ე.წ. წვეთისებური ფორმის იმპლანტები. ჩვენს კლინიკაში გამოიყენება მსოფლიოს წამყვანი მწარმოებლების იმპლანტები, ისეთები, როგორიცაა: Mentor, Polytech, Sebbin და სხვა. ოპერაციის დროს კეთდება მცირე ზომის 4-5 სმ განაკვეთები მკერდის ქვეშ ან არეოლის ქვედა კიდეზე. იმპლანტი შესაძლოა მოთავსდეს სარძევე ჯირკვლის ან მკერდის დიდი კუნთის ქვეშ.

მასტოპექსია

მასტოპექსია – ოპერაცია, რომლის მეშვეობით შესაძლებელია ნებისმიერი ზომის მკერდის აწევა. ზოგჯერ მასტოპექსიასთან ერთად საჭიროა აუგმენტაციური მამოპლასტიკის ჩატარებაც – ხდება ძუძუს როგორც აწევა, ასევე ზომაში გაზრდა.

რედუქციული მამოპლასტიკა

რედუქციული მამოპლასტიკა არის პლასტიკური ოპერაცია, რომლის საშუალებითაც ხდება მკერდის მოცულობის დაპატარავება. ძირითადად მკერდის გადიდებას ესთეტიური დატვირთვა აქვს, ხოლო დაპატარავება შესაძლოა აუცილებლობას წარმოადგენდეს. დიდი ზომის მკერდი ქალბატონებისთვის მრავალი უსიამოვნების მომტანია. ხშირია კანის გაღიზიანება, ოფლიანობა, წელისა და კისრის ტკივილი, ძილის დროს სუნთქვის გაძნელება. ყოველივე ამისაგან თავის დაღწევა კი მხოლოდ ოპერაციული გზითაა შესაძლებელი. რედუქციული მამოპლასტიკის დროს ხდება ზედმეტი კანის, ცხიმოვანი და ჯირკვლოვანი ქსოვილის მოცილება, რაც მნიშვნელოვან შვებას წარმოადგენს პაციენტისთვის. ამასთან არანაკლებ მნიშვნელოვანია ის ლამაზი ფორმა რომელსაც მკერდი ოპერაციის შემდეგ იღებს.

ყველა სახის მამოპლასტიკის ოპერაციები ტარდება ზოგადი ანესთეზიის ქვეშ. ოპერაციის ხანგძლივობა დამოკიდებულია მეთოდზე და 1,5-3,5 საათს საჭიროებს. პაციენტი ერთი დღე-ღამის განმავლობაში რჩება კლინიკაში. ოპერაციის შემდეგ, პაციენტი 1-1,5 თვის განმავლობაში ატარებს სპეციალურ კომპრესიულ თეთრეულს (ბანდაჟს) შეხორცების პროცესის ხელშესაწყობად.

• მამოპლასტიკა ხელს არ უშლის შემდგომ ორსულობას და ძუძუთი კვებას.
• პაციენტი ცხოვრების ჩვეულ რიტმს უბრუნდება ოპერაციიდან რამდენიმე დღის შემდეგ.